ათწლეულების მანძილზე ჩვენი ორგანიზაცია აქტიურად მუშაობს შეზღუდული შესაძლებლობის მქონე პირთა სოციალური ინტეგრაციის საკითხებზე. ჩვენი მიზანია გავაფართოვოთ შესაძლებლობები, რათა დავეხმაროთ ბენეფიციარებსა და მათ ოჯახებს, როგორც სოციალური, ასევე საგანმანათლებლო და პროფესიული პროგრამების საშუალებით.
არცერთი ჩვენგანი არ არის სრულყოფილი ერთმანეთის გარეშე. სწორედ ეს ხედვა განაპირობებს „ბავშვი, ოჯახი, საზოგადოების“ იდეოლოგიურ წრეს.
დაარსებულია “ბავშვი, ოჯახი, საზოგადოების” მიერ, იმ მიზნისთვის რომ დაეხმაროს შეზღუდული შესაძლებლობების მქონე ბავშვებს, შშმ პირებს და მათ ოჯახებს საბაზისო მოთხოვნილებების დაკმაყოფილებაში.
კერძოდ, სამედიცინო მედიკამენტებით უზრუნველყოფა, საყოფაცხოვრებო პირობების გაუმჯობესება და ტექნიკის შეძენა, თერაპიული მომსახურების დაფინანსება და სხვა. ფონდის ბენეფიციარები არიან პირები, რომელთაც რიგი პრობლემები ექმნებათ ყოველდღიურ ცხოვრებაში და სახელმწიფო ვერ უზრუნველყოფს მათ დაფინანსებას. სწორედ ასეთ ბენეფიციარებზე იხარჯება ფონდის მიერ მოზიდული რესურსების უდიდესი ნაწილი, რომლის მობილიზება ხდება საქველმოქმედო აქტივობებით, დონორების მოზიდვით და ონლაინ პლატფორმებით.
